UTransnet uvula unxweme lweekhonteyina eNgqura

IQUMRHU lakwaTransnet livule izigcini-mpahla zeenqanawe ezixabisa imali ebalelwa kumakhulu asixhenxe ezigidi zeerandi (R700 million) njengenxalenye yophuhliso kwizibuko laseNgqurha.

Oku kuyinxalenye yophuhliso oluqhubeka kweli zibuko ngenjongo yokulenza ukuba libe lelinye lamakhulu kummandla weSub-Sahara Afrika.

URichard Vallihu ojongene namanxweme kwaTransnet uthe, le yenye yeeprojekthi ezintathu ezincedisana noTransnet ekukhuthazeni uqoqosho kweli zibuko. Kulindeleke ukuba uTransnet atyale imali efikelela kumashumi amahlanu anesithandathu eebhiliyoni (R56 billion) kumanxweme eli lizwe, kwiminyaka elishumi ezayo. UMpumi Dweba ongumlawuli wezibuko laseNgqurha uthe, kulindeleke ukuba kudaleke amathuba emisebemnzi ayi-154 xa kusakhiwa isakhiwo solawulo esixabisa ishumi elinesibhozo lezigidi zeerandi.

“Amashumi amane anesibhozo wala mathuba aya kulutsha oluntsundu neenkampani zeli eziyi 285 eMpuma Koloni, azakuxhamla kuphuhliso lwezakhono oluqhubeka apha,” utshilo okaDweba.

Ukanti isakhiwo solawulo phantsi komasipala ombaxa iNelson Mandela Bay esixabisa malunga ne-255 yezigidi zerandi, kulindeleke ukuba sigqitywe ungaphelanga lo nyaka. Ngamakhulu amabini anesihlanu abasebenzi abazokusebenzela kwesi sakhiwo.