IKumkani yamaXhosa uMpendulo Zwelonke Sigcawu usamkele isigwebo esinikwe indoda yakuMente kuGatyana eyabulala inkosikazi yayo ngenxa yezibindi zenkuku.
UMabefu Mbundwana wankula ngenduku umfazi wakhe, ogama linguNofinish, ngenyanga yoKwindla kulo nyaka emva kokuba engazange awunake umyalelo wakhe othi makapheke izibindi zenkuku.
USigcawu uthi udushe olujoliswe koomama alamkelekanga. “Kungade kubhubhe umntu ngenxa yezibindi zenkuku. Ayamkelekanga tu into enjalo. Amadoda xa enengxaki nabafazi makathethe, ayeke ukuphakamisa isandla,” utshilo uSigcawu.
UKumkani uthi amadoda makathathe uxanduva lokukhusela oomama nabantwana.
Isithethi samapolisa uKapteni Jackson Manatha uthe: “Umfazi wabhubhela kwindawo yexhwayelo, emva kokubethwa kanobom.”
Le ndoda nomfazi wayo babesuka kwinkamnkam ngethuba kusenzeka esisehlo ngenyanga yoKwiindla kulo nyaka.
UHugo Broos uzityanda igila ngokudlalisa uVeli Mothwa izolo