Ziphinde zahlaselwa kwakho ii-ambulensi kwisixeko saseBhayi

Isebe lezempilo ephondweni liyazikhalimela izenzo zokuphinda kuhlaselwe iimoto zabo ezithutha izigulana ezaziwa ngokuba zii-ambulensi.

Ezi moto zihlaselwe kwilokishi yakwaZakhele eBhayi. Isebe lezempilo lephondo lithi, ayisosiganeko sokuqala esi sisenzeka sokuhlaselwa kwezi moto, NgeCawe bezihlaselwe ukanti nakunyaka ophelileyo zazikwahlaselwe kwakule ndawo.

Esi sibini singabaqhubi be- ambulensi siye sathathelwa iifowuni kwakunye nezipaji behlaselwa ngamadoda amathandathu ebexhobe ngemipu ngethuba, lo moto ibileqa ukuyokulanda isigulana.