Iindaba ezingene ngentsasa yanamhlanje zithi umdlalo wesibini ohlakulela iAFCON 2022 ophakathi koMzantsi Afrika neSao Tome ngeke ubukelwe ngabantu kumabonakude, itshilo ingxelo ekhutshwe yiSouth African Football Association (SAFA). Kwiveki ephelileyo, uMzantsi Afrika ubethe iSao Tome Principe ngamagowuli amabini eqandeni. Umdlalo ubuveziwe kumabonakude ngaphandle kwengxaki ngoba ibingumdlalo woMzantsi Afrika. Lo wanamhlanje ngoweSao Tome noxa uza kudlalela eNelson Mandela Bay Stadium – ekungazukuvunyelwa bantu kuwo ngenxa yekhorona.
Kuthiwa iingxoxo phakathi kukaSABC neSao Tome zaphukile. Eso sesona sizathu esiza kubangela abantu bangakwazi ukuwubeka umdlalo. “Kukhangeleka ngathi uSABC TV neSao Tome malunga nokusasazwa komdlalo wayo,” itshilo ingxelo ekhutshwe yiSAFA, ethe ayinawo amandla nelizwi ngoba umdlalo ngoweSao Tome. Ivumile kekambe iSao Tome ukudlalela umdlalo wayo apha (eMzantsi Afrika) kuba kukho iingxaki zempilo ezibangelwe yiKhorona esele ibulele amashumi amabini amawaka abantu eMzantsi Afrika.
Ababezenza amapolisa baphanga usapho, baqhotsa batya inyama yabo!