Amagowuli amathathu afakwe nguThemba Zwane anike iMamelodi Sundowns impumelelo ebalulekileyo emdlalweni wanamhlanje eLoftus Stadium. ISundowns ibuyele kwindawo yokuqala kwiPSL ebibanjwe yiPirates emva kokuba ibethe AmaZulu ngo’4-3 emdlalweni weDStv Premiership ngenjikalanga yanamhlanje.
ULehlohonolo Majoro ubeke ibhola yokuqala emnatheni emva kwempazamo eyenziwe nguRicardo Nascimento endaweni embi. Uphendule uPeter Shalulile emva kwemizuzu emine ngebhola entle ayinikelwe nguThemba Zwane. Emva koko, uZwane ubhakuzelise umnatha kabini – yatsho yahamba phambili ngamagowuli amathathu iSundowns kwelinye.
Emva kwekhefu, uZwane ufake igowuli lesithathu, ibhola entle uyinikelwe nguKermit Erasmus. Afumene igowuli lesibini AmaZulu ngebhola ebe yipenela efakwe nguLuvuyo Memela eye yacikwa nguKennedy Mweene ekuqaleni. AmaZulu afumene igowuli lesithathu ngebhola efakwe nguKhumalo.
Yona iCape Town City ibhulele amasaka iBloemfontein Celtic ngamagowuli amane kwamabini (4-2) emdlalweni obubanjelwe eCape Town Stadium. Emidlalweni emine, iCeltic ayikaphumeleli namnye umdlalo kule sizini. Abatshakazi bePSL, iTshakhuma Tsha, babethe iBaroka FC ngo’1-0 emdlalweni wobukhaya kwiphondo laseLimpopo.
Obezenza umntu othengisa izindlu neemoto ugwetywe iminyaka eyi-22