UMabasa ungcwabe iLioli emdlalweni weCAF Champions League wokuqala
IPirates ingcwabe iLioli ngo'3-0 emdlalweni weCAF Confederation Cup emalanga namhlanje eFree State Stadium.
Image: OP/Facebook
Bancumile abalandeli be'Orlando Pirates emva kokuphumelela kakuhle emdlalweni wanamhlanje. Oku kuza emva kokuba iPirates ingcwabe iLiolo FC yaseLLesotho ngamagowuli amathathu eqandeni emdlalweni weCAF Champions League obubanjelwe eFree State Stadium.
Impumelelo iyibeka endaweni entle iPirates kungekayiwa emdlalweni wesibini oza kudlalelwa eGoli. Kuyiwe kwixesha lokuphumla kungekho qela elikwazileyo ukubhalisa ebhodini nangona umdlalo ulawulwe yiPirates ebinawo amathuba engawasebenzisanga.
Ezimnyama zibuye kwisigaba sesibini zilume ongazantsi. Zifike zagqagqanisa okomgqakhwe ugoduka zabhakuzelisa umnatha ngebhola efakwe nguTshegofatso Mabasa. Kugqithe imizuzu embalwa wafaka elinye uMabasa emva kokunikelwa ibhola entle nguRelebohile Mofokeng.
Umdlali ofake igowuli lokugqibela ngu'Oswin Appollis. Ayikwazanga ukufumana igowuli lokubika ekhaya iLioli edlala kwiLesotho Premier League. UCemran Dansin noTshepang Moremi benze umahluko emva kokungena kwisigaba sesibini somdlalo.