Kudutyulwe kwabulawa obengumbhexeshi Emalahleni kuKomani!
UXoliseka Lali nobengumbexeshi Emalahleni Local Municipality nokuse edutyulwe kwakhe ngoLwesibini.
Image: UTHUNYELWE
Ubhaqwe enamanxeba okudutyulwa kwaye sele ebhubile ngentsasa yangoLwesibini obengumbhexeshi kwibhunga likaMasipala iEmalahleni nephantsi koMasipala wesithili iChris Hani uXoliseka Lali edutyulelwa kwakhe eSouth East Village eKomani.
Ngokweengxelo eziphuma emaPoliseni zithi, inkosikazi kaLali yazama amatyeli efowunela umyeni nongakhange ayibambe ifowuni de wabe inkosikazi yacela ubhuti kaLali yena ukufutshane ekubeni ayokumkroba egumbini lakhe kuba engafumaneki.
Ingxelo iqhuba ithi, ekufikeni kwakhe ubone isango kwakunye nomnyango wendlu uvulekile. Xa engaphakathi kwipaseji wabona imbumbulu. Ekuqhubekekni kwakhe xa engena kwigumbi lokulala kulapho afike ubhuti wakhe uLali ethe tywa ebhedini enamanxeba okudutyulwa kumzimba ongentla, ngasemva nangaphambili.
ULali ebekwanguye noNobhala weANC weRobert Resha Sub Region.
UBrigadier Nobuntu Gantana uthi unobangela wokudutyulwa kukaLali awukaziwa kwaye akukabanjwa mntu. AmaPolisa asekwindawo yexhwayelo esenza uphando lwawo. Kubongozwa onokuba nolwazi malunga nesi sehlo sokudutyulwa kukaXoliseka Lali atsalele ku08600 10111.