Kufunwa usapho lwendoda eyatshayiswa yimoto yabhubha
Kukhangelwa usapho lwendoda eyatshayiswa yimoto yabhubha kuhola wendlela uN2, eFitchard Corner.
Image: iStock
Amapolisa aseKabega Park acela uncedo kuluntu ekukhangeleni izalamane zendoda umzimba wayo wafunyanwa ngomhla wesithathu kweyeDwarha ngo2023 kuhola wendlela uN2, eFitchard Corner.
Ngokwesithethi samapolisa, uKapteni Sandra Janse Van Rensburg, kutyholwa ukuba ngomhla okhankanywe ngasentla malunga necala emva kwentsimbi yesixhenxe ngorhatya, iSAPS Kabega Park yafumana isikhalazo ngengozi yemoto.
"Umntu owayehamba ngeenyawo ongaziwayo watshayiswa yimoto engaziwayo ngethuba ewela uN2 kwaye ayizange imise le moto. Lo mntu owayehamba ngeenyawo wayengenanto emchazayo ukuba ungubani kwaye umcuphi akaphumelelanga ekukhangeleni usapho lomfi.
"Umfi yindoda entsundu eyayinxibe ibhulukhwe emnyama, ibhatyi emnyama, iikawusi ezimnyama namhlophe kunye nezihlangu ezimdaka ngombala. Kwabuziswa kwindawo ekufutshane kodwa akwabikho mntu wakwazi ukuncedisa ukumchaze ukuba ungubani," utshilo uJanse Van Rensburg.
Ityala lokubulala ngokungenanjongo lavulwa kwaye liyaphandwa. Nabani na onokunceda ngomfi uyacelwa ukuba aqhagamshelane neSAPS Kabega Park, uD/Sgt Deidre Harker ku063 157 2964 okanye iCrime Stop ku08600 10111 okanye isikhululo samapolisa esikufutshane okanye athumele iinkcukacha ngeMySAPS App.