Isilumkiso malunga nemisebenzi yomgunyathi eRussia
Abantu bayalunyukiswa ngemisebenzi yomgunyathi eRussia ebhengezwa kumakhasi onxibelelwano.
Image: Umfanekiso ogciniweyo
IOfisi kaMongameli ejongene namanina, ulutsha kunye nabantu abakhubazekileyo ihlabe ikhwelo malunga neengxelo zakutshanje zokuthenjiswa kwamathuba emisebenzi esasazwa kumakhasi onxibelelwano, netsala amanina aselula aseMzantsi Afrika akwiminyaka eyi18 ukuya kwengama22 ukuba ayosebenza eRussia.
Kwingxelo, iSebe lithe nangona liyiqonda into yokuba uMzantsi Afrika ujongene nezinga eliphezulu lentswela ngqesho kulutsha ngendlela engamkelekanga, ingakumbi phakathi kwabasetyhini abasebatsha, le nto ibuhlungu mayingaze ixhatshazwe kude kunikezelwe ngemisebenzi yomgunyathi.
ISebe liqinisekisile ukuba amathuba emisebenzi apapashiweyo kumakhasi onxibelelwano ngezikhundla eziseRussia, awaququzelelwa okanye agunyaziswe ngurhulumente, lisithi ukuba onke amathuba engqesho asemthethweni aphesheya aququzelelwa ngokusebenzisa amajelo ozakuzo asemthethweni kunye nezivumelwano ezisesikweni zamazwe amabini.
Ibongoze abantu abatsha ukuba balumke kakhulu xa bezibandakanya nezicelo ezizizelayo zengqesho phesheya, ngakumbi ezo zisasazwa ngamakhasi onxibelelwano kunye namanye amaqonga eintanethi.
Phambi kokulandela le misebenzi yaphesheya okanye amathuba okufunda, abantu abatsha bayabongozwa ukuba baqinisekise ubunyani bezaziso zemisebenzi ngokusebenzisa iSebe lezoBudlelwane baMazwe ngaMazwe neNtsebenziswano (DIRCO) kunye namasebe abo kumazwe angaphandle, ozakuzaku bamazwe angaphandle abafanelekileyo okanye amaziko ngaphakathi eMzantsi Afrika belizwe leyo elinelithuba lengqesho, iSebe lezeNgqesho nezaBasebenzi – bangabuza neNkonzo yamaPolisa aseMzantsi Afrika, okanye iSebe lezeMfundo ePhakamileyo yaseMzantsi Afrika, okanye iSebe leMfundo ePhakamileyo .
"Ukhuseleko, isidima, kunye nekamva labasetyhini abasebatsha boMzantsi Afrika zibaluleke kakhulu, kwaye asinakuvumela ukuphelelwa lithemba okubangelwa lizinga lentswela ngqesho eliphezulu ukuba lisetyenziswe ukutsala ulutsha lwethu. Singurhulumente, siqhuba ngokusebenza nzima ukujongana nentswela ngqesho kulutsha ngamaphulo kazwelonke afana nePresidential Employment Stimulus, iNational Youth Service, kunye neenkqubo ezahlukeneyo zophuhliso lwezakhono," litshilo iSebe.
Ukuze kuqondwe ngokupheleleyo uhlobo lwala mathuba engqesho eRussia kwaye lunike ingcaciso eluntwini, iSebe lithe liza kuthethathethana nabachaphazelekayo, kuquka iDIRCO, iOfisi yozakuzo yaseeRussia eMzantsi Afrika, kunye neBRICS Women’s Business Alliance (WBA).