Imihla yokuhlawulwa kwezibonelelo zikaSASSA zenyanga yoMsintsi

ISouth African Social Security Agency (SASSA) ibhengeze ngokusesikweni imihla yokuhlawulwa kweenkamnkam zenyanga yoMsintsi 2025, ibonelela ngenkxaso-mali ebalulekileyo kwabo baxhamla kwizibonelelo zabantu abadala, abakhubazekileyo, abantwana, kunye neSocial Relief of Distress (SRD).

Abantu abafumana izibonelelo banokufumana izibonelelo zabo ngale mihla ilandelayo:

• Inkamnkam yabantu abadala: NgoLwesibini, 2 kweyoMsintsi 2025.
• Inkamnkam yabantu abakhubazekileyo: NgoLwesithuthu, 3 kweyoMsintsi 2025.
• Ezinye iinkamnkam, kuquka neyabantwana: NgoLwesine, 4 kweyoMsintsi 2025.

AbakwaSASSA bakhuthaza abaxhamli ukuba bayeke ukungxamela kwiindawo zokukhupha imali ngosuku lokuqala, njengoko oku kudla ngokukhokelela kwimigca emide. Ukucwangcisa ngokufanelekileyo kunokunciphisa kakhulu ixesha elichithwa emigceni kulindiwe ukufikelela kule mali neyimfuneko kubomi bemihla ngemihla.

Ukongeza ekubhengezeni imihla yentlawulo, iSASSA iye yashukuxa umba othe gqolo wokutsalwa kwemali engagunyaziswanga kwizibonelelo zoluntu. Esi silumkiso sibaluleke ngakumbi phakathi kweenkxalabo ezikhulayo malunga nokusetyenziswa kwemali.

Abaxhamli bayabongozwa ukuba bahlale bethe qhwa kwaye baxele nantoni erhanelekayo engaqinisi umnqwazi ngoko nangoko. "Ingaba imali itsalwa kwinkamnkam yakho ngaphandle kwemvume yakho? Xela oku kwiofisi yeSASSA ekufutshane nawe ngokukhawuleza," icebise yatsho iSASSA.

Ukwenza inkqubo yokufaka izikhalazo okanye ukunika ingxelo ifikeleleke ngakumbi, izikhalazo ngoku zingangeniswa ngeSMS ngokuthumela inombolo yesazisi kunye negama lomnikezeli wenkonzo yemali [otsala imali kwinkamnkam yakho] ku34548.

ISASSA iqinisekise abaxhamli ukuba ukhuseleko lwasemthethweni lumi ngokuqinileyo malunga nokutsalwa kwemali. Ngokukodwa, "kukutsalwa kanye ngenyanga kuphela okuvumelekileyo, ukuya kuthi ga kwi10% yesibonelelo sakho, kwaye kuphela ukuba umxhamli uye wavuma ukutsalwa kwemali." Olu khuselo lujolise ekukhuseleni abantu abasesichengeni kubunzima bemali obungalindelekanga.

Ngaphaya koko, iSASSA ibonelele ngohlaziyo malunga neentlawulo zeCOVID-19 Social Relief of Distress (SRD), iqinisekisa ukuba iintlawulo zenyanga yeThupha 2025 ziya kuqhubeka phakathi komhla wama27 nowama30 kweyeThupha.

Abaxhamli abajongene nokulibaziseka ngenxa yokufumana u-"referred" baye bacetyiswa ukuba baqinisekise isazisi sabo kumnatha. ISASSA ichaze ukuba imeko isonjululwe, iintlawulo ziya kukhutshwa kumjikelo olandelayo, kunye neentlawulo ezingakhange zingene ngenxa yale ngxaki.