Iindaba

Amapolisa akhangela indoda enokunceda kwityala lokudlwengulwa kwexhegokazi

Cwayita Nondula|Published

Amapolisa akhangela uSipe Mpame onokunceda kwityala lokudlwengulwa kwexhegokazi

Image: SAPS

Amapolisa acela uncedo eluntwini ngolwazi olunokuthi luncede ekufumaneni indoda (Sipe Mpame) enokuthi incede kwityala lokudlwengula elibandakanya ixhegokazi (76) lakuTsomo.

Isithethi samapolisa uKapteni Namhla Mdleleni, uthi amapolisa aphantsi kwecandelo leFamily Violence, Child Protection and Sexual Offences Unit (FCS) aphanda ngesi sehlo senzeke ngomhla wama27 kuTshazimpuzi 2025 eMbulu Hill, eTsomo.

Amapolisa akhangela uSipe Mpame omalunga namashumi amane (40) eminyaka ubudala xa kuqikelelwa iminyaka yakhe ekukholelwa ukuba angancedisa ekusombululeni eli tyala.

Nabani na onokuba nolwazi malunga nalapho uMpame akhoyo angatsalela umcuphi uWarrant Officer Malangeni kule nombolo: 073 6360890. Ulwazi lungathunyelwa kusetyenziswa inombolo yeCrime Stop 0860010111.