UHlabisa uza kundwendwela iKumkani yesizwe samaMpondomise uMatiwane
UVelenkosini Hlabisa uza kundwendwela iKumkani yamaMpondomise uMatiwane ngeenjongo zokuxoxa ngolawulo lwemveli.
Image: Facebook/IFP
UMphathiswa weSebe leNtsebenziswano kuRhulumento neMicimbi yeMveli (Cogta), uVelenkosini Hlabisa, ephelekwa nguSekela wakhe uNkosana uZolile Burns-Ncamashe, baza kundwendwela iKumkani yesizwe saMaMpondomise, uKumkani uZwelozuko Matiwane, ngoMvulo we20 kweyeDwarha 2025.
Olu tyelelo luphendula isicelo sikaKumkani uMatiwane sokuba athethathethane neli Sebe.
Injongo kukuxoxa ngokumiselwa ngokutsha kwamaBhunga ezeMveli phakathi koBukhosi baMaMpondomise, kwakunye neminye imiba ebalulekileyo echaphazela ulawulo lwemveli nobunkokeli kulo mmandla.
Le ntlanganiso iyinxalenye yokuzinikela okuqhubekayo kweCogta ekomelezeni intsebenziswano namaziko obunkokeli bemveli.
Ijolise ekuqinisekiseni ukuba iziseko zolawulo lwemveli zisekwe ngokufanelekileyo, zisebenza, kwaye zithobela uMthetho wobuNkokheli beMveli nobuKhoi-San.
Le ndibano iza kubanjelwa eMaMpondomise Great Place, eUpper Kroza, kuQumbu, eMpuma Koloni, ngentsimbi yethoba kusasa.