Iindaba

Indoda nabantwana ababini batshe baphela kumlilo wendlu eDespatch

Cwayita Nondula|Published

Indoda nabantwana ababini basweleke kumlilo wendlu eDespatch, eGqeberha.

Image: iStock

Indoda, 29, nabantwana ababini abaneminyaka emine nemithandathu ubudala babhubhe kumlilo wendlu owenzeka ezinzulwini zobusuku beCawe, umhla wesibini kweyeNkanga 2025, eKhayamnandi, eDespatch, eNelson Mandela Bay.

Ngokwengxelo kaKapteni Sandra Janse Van Rensburg, malunga nentsimbi ye02:20, amapolisa aseDespatch aphendule kwisikhalo sokutsha kwendlu ekwisitalato iBanto Holomisa, eKhayamnandi, eDespatch.

"Ekufikeni kwabo, indlu yayisele itshe ngokupheleleyo. Emva kokuba kucinywe lo mlilo, kufunyenwe imizimba yendoda, 29, enye nabantwana ababini abaneminyaka emine nemithandathu," utshilo uJanse Van Rensburg.

Amagama ababhubhileyo aya kukhutshwa emva kwenkqubo yokuchonga imizimba ngokusesikweni.

Unobangela womlilo awukaziwa, kwaye uphando lusaqhuba.