Amaxabiso epetroli nedizili aza kuhla ngoLwesithathu

Isebe lezezimbiwa (DMPR) libhengeze ukuhla kwexabiso lepetroli, idizili, iparafini kunye nerhasi (LP Gas) ukusukela ngoLwesithathu wale veki.

ISebe liqinisekisile ukuba umyinge wexabiso yeoyile ekrwada yeBrent yehla ukusuka kwi$67.16 ukuya kwi$64.14 ngeli xesha liphantsi kovavanyo. Ukwehla kwexabiso leoyile ekrwada kubangelwe kukutya okugqithisileyo ngenxa yokunyuka kwemveliso yehlabathi kwakunye nokungaqiniseki okubangelwa kukungavisisani kwamazwe kwiimeko zorhwebo eziqhubekayo ezinokuchaphazela ukukhula koqoqosho kunye nemfuno yeoyile ekrwada, litshilo iSebe.

"Umyinge wamaxabiso epetroli nawedizili kumazwe ngamazwe ulandele ukwehla kwamaxabiso eoyile ekrwada. Oku kukhokelele ekuthotyweni kwamagalelo kumaxabiso eBasic Fuel Prices (BFP) epetroli nge39.94c ilitha kunye nedizili nge8.83c ilitha.

"Kwelinye icala, amaxabiso eparafini (illuminating) anyukile kwaye abangele igalelo eliphezulu kwiBFP nge10.96c ilitha. Amaxabiso ePropane kunye neButane ehlile ngeli xesha liphantsi kovavanyo," icacise yatsho iDMPR.

I-DMPR ithe irandi ixabisa ngokomyinge, xa ithelekiswa nedola yaseMelika, ukusuka kwiR17.49 ukuya kwiR17.29 ngedola yaseMelika nganye ngeli xesha liphantsi kovavanyo xa kuthelekiswa nexesha langaphambili.

Ingxelo ithi loo nto ikhokelele ekuthotyweni kwamaxabiso eBasic Fuel Prices afana nawepetroli nge10.60c ilitha, idizili nge11.77c ilitha kunye neparafini nge11.53c ilitha.

Olu luhlengahlengiso lwamaxabiso amafutha:

• Petrol 93 (ULP & LRP): iza kuhla nge51c.
• Petrol 95 (ULP & LRP): iza kuhla nge51c.
• Diesel (0.05% sulphur): iza kuhla nge21c.
• Diesel (0.005% sulphur): iza kuhla nge19c.
• Illuminating Paraffin (wholesale): iza kuhla nge1c.
• Single Maximum National Retail Price for Illuminating Paraffin: iza kuhla nge1c.
• Maximum Retail Price of LP Gas: iza kuhla nge61c kunye ne70c eNtshona Koloni.