Thethani ma-Afrika!
Bathandwa Xhaka|Published
UBathandwa Xhaka yimbongi enosiba elibukhali engumhlohli wolwimi lesiXhosa eNtsha Koloni
Image: Bathandwa Xhaka
Kwenzekani na maAfrika? masithethe,
Salahla amasiko salahl’izithethe,
Salahla ubuntu saphath’izitshetshe,
Salahla isiNtu kwavel’intwenje,
Kwenzekani na maAfrika? masithethe.
Masibuyeleni embo kweloobawomkhulu,
Masibuyeleni embo sivuy’isabakhulu,
Ukuz’ iAfrika ibuy’igqakraze,
Ukuz’umzoNtsundu ubuy’utshambaze,
Kwenzekani na maAfrika? masithethe.
Masilahl’inkolo yasentshona,
Sibuyele kweyabaNtsundu,
Silahl’oolindixesha,
Sibuyele kwimvo zabaNtsundu.
Tsi! Kwenzekani na? maAfrika masithethe,
Lonyan’umhlophe ayingowethu,
Kodwa uQamata yena ngowethu,
Masibuyis’isidima nesithozela sethu,
Kwenzekani na? ma-Afrika masithethe.