NGOMSO wonke umthandi kaDJ Mobi Dixon uzakube ejika ngoncuthu lwesandi esitsha sengoma. Ingoma yakhe entsha, ehamba nohlobo oluthile lomjuxuzo, nebizwa “Bhutiza” iyagaleleka kwiqonga lomculo.
Encokolela I’solezwe ngale ngoma, uMobi uthi ithetha ngezinto ezininzi. “Ingomntu ongubhuti ofana nam, oselula ngokweminyaka, umntu osemtsha, utata nongumzekelo kwabaninzi.” Le ngoma kaMobi, nephuma ngomso umhla wokuqala kweyoMsintsi, iza nesingqi esohlukileyo.
“Iza nesingqi esohlukileyo kweso siqhelekileyo, wonke umntu akakwazi kulinda,” kutsho uMobi. Kule ngoma uMobi uhamba negqiyazana laseMonti uNichume. UMobi, ogama lokwenene linguMabi Ntuli uthi ukuba nguye, ukuzinikela emsebenzini nokungalinganisi mntu; kuko okumenza ahlale ephumelela. UMobi kulindeleke akhuphe icwecwe lakhe elitsha elibizwa Live The Music Golden Edition ekupheleni kwenyanga yoMsintsi.
UMobi, owaduma ngengoma uCity Rains, kunyaka ophelileyo ukhuphe ingoma ethi “Ezizweni” ekunye noBerita.
BUKELA – Usuku lwenkululeko: Izimvo zabantu