John Comitis: Akukho mdlali othengiswayo yiCity

Enye
yeefolosi eziyingozi ebholeni yaseMzantsi Afrika, uKermit Erasmus,
akathengiswa, itsho ingxelo ephuma enkampini yeCape Town City. Kwiinyanga
ezidlulileyo, bekukhe kwakho amarhe athi amaqela afana neMamelodi Sundowns
anomdla kuye u-Erasmus. Ukusuke oko ebuyile phesheya lo mdlali weCity, ufake
amagowuli amagowuli aliqela ngethuba iqela lakhe lisengxakini. Kwincoko
ebiphakathi kwe-Independent Media nosihlalo weCape Town
City, uJohn Comitis,
ubethe ngenqindi phantsi ngelithi akukho mdlali oza kuthengiswa liqela lakhe.
“Hayi, akukho kwanto esiyithethayo ngoKermit Erasmus. Akukho kwamntu oza
kuthengiswa. Akukho kwa ingxoxo ngabadlali bethu. Siza kubagcina abadlali bethu
abaphambili,” utshilo uComitis osele engqinile okokuba uza kukhulula abanye
abadlali abafana noThabo Nodada – obenegalelo elibonakalayo kwiminyaka
edlulileyo phantsi kukaBenni McCarthy.

Nangona iCape
Town City izibonakalisile ukuba iyakwazi
ukulwela iindebe eminyakeni embalwa edlulileyo – kodwa kule isizini ibikhe
ayaqhuba kakuhle emidlalweni. Lo nto yanyanzela ukuhamba kwabantu abafana
noMcCarthy owaniksa iCity indebe yeMTN 8. Iinguqu zenze akwabikho uzinzo
kwiCity ixesha elide – kodwa uComitis uthi iqela lakhe alikho semva kukaGavin
Hunt – oza kukhangela umsebenzi emva kokuthengiswa kweBidvest Wits. “Ukuba
ndinabo abadlali abanokuphumelela iindebe, mna andinayo ingxaki. Abadlali
abangawenzi kakuhle umsebenzi baziindleko. Siza kubona ukuba senzani ngabo xa
kuphela isizini – kodwa wonke umntu kufanele azimisele. Ndinaye umqeqeshi
onesivumelwano seminyaka emithathu. Ndisonelisekile okwangoku,” utshilo
uComitis. Omnye umdlali athe akayi ndawo nguThamsanqa Mkhize – ekuvakala into
ethi ufunwa yiSundowns.