UMohammed Salah
uthokombise intloko kubonakala ukuba uxhelekile entliziyweni yakhe emva
kokufakwa kwegowuli kwimizuzu yokugqibela emdlalweni. Inyaniso mayithethwe –
AmaYiphutha ebexhathisile futhi abadlali bayo i-Uruguay bebexakiwe kwade
kwakwimizuzu yokugqibela kwisigaba sesibini – ngethuba uJose Maria Gimenez
efaka igowuli elihle ngentloko kumdlalo obunzima kakhulu wesibini weFIFA World
Cup kwibala ekuthiwa yi-Ekaterinburg Stadium. Lelo gowuli linye elenze idemeshe
kumsebenzi omhle owenziwe yi-Egypt phantse umdlalo wonke – kwaye ikwa lilo
elishiye iintliziyo zenkitha zamaYiphutha zichontsiza igazi.
Kuyiwe kwixesha
lokuphumla amazwe omabini ebambene noxa i-Uruguay ibiyeyona inamandla. Iifolosi
ezimbini zase-Uruguay ezoyikwayo uSuarez noCavani uphele umdlalo bengacholanga
naphantsi – kodwa akukho bani onokubatyola ngokungazami. Zikhona iibhola
iibhola ezimbi abazidlalileyo – ntekunayo bebefika unozinti u-Elshenewy uvale
kwanto eza kuye. Isigaba sesibini besithatnde ukubanochatha ngoba iqela
ngalinye belifuna igowuli lempumelelo.
amathuba acacileyo kune-Egypt. Lo nto ithethe ukuthi ukungabikho kukaMohammed
Salah, odume ngkufaka amagowuli, bekuvakala ngoba ebengekho umntu wokugqibezela
iibhola ezitywe emacaleni.
Emva kwempumelelo
yayo i-Uruguay namhlanje, lo nto ithetha ukuthi ibambene neRussia ngamanqaku
amathathu noxa abasingathi bendebe yehlabathi benamagowuli amaninzi emva
kokuvuthulula iSaudi Arabia ngemvula yamagowuli amahlanu izolo kumdlalo
wokuqala kaGroup A. Kwakunyanzeleka ukuba nayo iYuphutha izingombele iSaud
olandelayo.
Varela, Giménez, Godin, Cáceres, Bentancur, Vecino, Nandez, De Arrascaeta,
Cavani, Suárez.
Fathi, Gabr, Hegazi, Abdel Shafi; Hamed, Elneny; Trezeguet, Said, Warda; Mohsen
ISwallows iquthise iChippa phambi kwabalandeli bayo eBuffalo City Stadium