Amakhosi azibethele iBlack Leopards emdlalweni obuseMoses Mabhida Stadium

By
Pedro Mapelo
-
Lazalous Kambole of Kaizer Chiefs challenged by Khuliso Mudau and Thabiso Mokoena of Black Leopards during the Absa Premiership 2019/20 match between Kaizer Chiefs and Black Leopards at the Moses Mabhida Stadium, Durban on the 10 August 2019 ©Muzi Ntombela/BackpagePix

Amakhosi
aqume ihlazo namhlanje emva kokuba ahlazwa ngo’1-0 yiTS Galaxy emdlalweni
weNedbank Cup owawubanjelwe eThekwini ngegowuli elinye ekupheleni kwesizini
egqithileyo. IKaizer Chiefs izibethe iBlack Leopards ngegowuli elinye eqandeni
(1-0) emdlalweni we-Absa Premiership obubukelwe linani elikhulu labalandeli
bebhola eMoses Mabhida Stadium ebusuku namhlanje. Iqela lika-Ernst Middendorp
liqale umdlalo kakuhle lisebenzisa abadlali abafana noGeorge Maluleka, uDaniel
Akpeyi, uLeonardo Castro noSiphosakhe Ntyiya-ntiya emva kokuba bengakwazanga
ukuqala umdlalo ngethuba iChiefs ibetha iHighlands Park ngo’1-0 kwiveki
ephelileyo eMakhulong Stadium. Kuyiwe kwixesha lokuphumla iChiefs iphala
phambili ngebhola entle efakwe ngu-Eric Mathoho ngentloko emva kokufumana
ibhola ebisuswe ekoneni nguGeorge Maluleka.

Ifolosi yeChiefs
entsha, uLazarous Kambole, ibiyixakekisile iBlack Leopards emva – kodwa khange
kubekho ithuba elisebenzisa kakuhle kulawo iwafumeneyo. Iphantse yafaka igowuli
nayo iLeopard ngethuba uTshwarelo Bereng efumana ithuba aphazanyiswe nguDaniel
Akpeyi kulo. Nangona engakwazanga ukufaka igowuli emdlalweni – kodwa uSamir
Nurkovic ungomnye wabadlali ababenegalelo elibonakalayo. Amakhwenkwe kaPatrick
Mabedi (isekela lomqeqeshi weLeopards) ayidlalile ibhola entle kwaye iChiefs
ibileqa izithunzi ngamanye amaxesha – kodwa into angakwazanga ukuyenza kakuhle
kukusebenzisa imbinana yamathuba ayifumeneyo emdlalweni. Kwiveki ephelileyo,
iLeopards ibethwe yiPolokwane
City ngo’1-0 kwidabi
lobukhaya eLimpopo. Lo nto ithetha ukuthi ayikaphumeleli namnye umdlalo kule
sizini. Amakhosi ancume olukabhulankethe emva kokuphumela umdlalo wesibini kule
sizini.


Kaizer Chiefs: Akpeyi, Ntiya-Ntiya,
Mathoho, Cardoso, Frosler, Maluleka, Parker, Manyama, Nurkovic, Kambole,
Castro.

Amalalela: Bvuma, Katsande,
Mphahlele , Gordinho, Zuma, Mashiane, Baccus.

Black Leopards:  Mendes,
Matlaba, Katjiukua, Masia,  Zulu, Khutlang, Mokoena, Madau, Hlongwane,
Malajila, Bereng.

Amalalela: K. Ndlovu, Kapinga,
Phala,  Zulu, Ndawonde, Mhlongo, T.Ndlovu.

 

RELATED ARTICLESMORE FROM AUTHOR