IBloemfontein Celtic iquthise kabuhlungu iChiefs emdlalweni weMacufe Cup

By
Pedro Mapelo
-
2019 Macufe Cup Champions, Bloemfontein Celtic celebrating their win during the 2019 Macufe Cup match between Bloemfontein Celtic and Kaizer Chiefs at Toyota Free State Stadium in Bloemfontein on 13 October 2019 © Frikkie Kapp/BackpagePix

Uvuyo
leKaizer Chiefs lupheliswe kwangoko yiBloemfontein Celtic eyiquthise kabuhlungu
kwiMacufe Cup yalo nyaka ngamagowuli amabini eqandeli (2-0) emdlalweni
odlalelwe eBleomfontein Stadium emalanga izolo (ngeCawe). Amakhosi agaleleke
kwiphondo laseFree
State enyathelela phezulu
emva kokubetha iMamelodi Sundowns ngamagowuli amane kwamabini (4-2) emdlalweni weShell
Helix Ultra Cup obutak’’ iintlantsi eFNB Stadium ngoMgqibelo emalanga. Umqeqeshi
weChiefs, uErnst Middendorp, uqale umdlalo ngeqela elahlukileyo kweliya
belidlala eFNB Stadium. Abadlali abatsha abafana noNjabulo Blom, uBruce Bvuma
noJames Kotei, ofike ekuqaleni kwesizini, baqale umdlalo.

Isiwelele
ikhokelwe yifolosi, uNdumiso Mabena, ohlala eyinkathazo ngamaxesha onke xa
idlala neChiefs. Emva kwexesha elidana kwisigaba sokuqala, uMabena ufake
igowuli lokuqala leCeltic. Igowulo lesibini lifakwe nguThato Lingwati emva
kokuba iCeltic ibeke uxinizelelo kwiChiefs emdlalweni obubambene macala.
Ukufakwa kukaLeonardo Castro akubanganalo ifuthe kwisigaba sesibini nakubeni
ebefake amagowuli amathathu eyedwa ngoMgqibelo emdlalweni weShell Helix Cup. Isiwelele
Samasele sibuyise isidima ngamagowuli saphinda saba ziintshatsheli zeMacufe Cup
kwanga xeshanye emva kokuxhatshazwa yiChiefs izihlandlo eziliqela kwiMacufe.

 

 

 

 

RELATED ARTICLESMORE FROM AUTHOR