Umbutho olawula ibhola ekhatywayo kweli lizwe, iSouth African Football Association, ubhengeze amagama wabadlali abazakuthi bathathe inxaxheba kwimidlalo yobuhlobo yeBafana Bafana.

IBafana Bafana izakujongana neGunie Bissau ne-Angola ekupheleni kwale nyanga yoKwindla [25 & 28 March] njengokuba ilungiselela imidlalo yokuzibekela indawo kwi-Africa Cup of Nations ezayo, iCHAN neFifa World Cup ezakusingathwa yiRussia ngo’2018. UMzantsi Afrika uthe finini kwindawo yamashumi amathandathu anesibhozo (68) kumanqwanqwa eFIFA, apha e-Afrika uhleli kwindawo yeshumi nesithathu.

Umqeqeshi olibambela, u-Owen da Gama, unikwe umsebenzi wokulungiselele eli qela lesizwe yiSafa kude kube ngumhla wokufika komqeqeshi omtsha ekulindeleke abhengezwe ingaphelanga le nyanga.

Kweli qela kubuye uKamohelo Mokotjo noKermit Erasmus kukwatyunjwe nabadlali abatsha abangaphansi kweminyaka elineshumi elinambini uPhakamani Mahlambi noLuther Singh. ULebo Manyama nodlala kakuhle kakhulu kwiCape Town City ubizwe kweli qela.

Umdlalo neGunie Bissau uzakudlalelwe eMoses Mabhida Stadium, kodwa ayikaziwa indawo ozakudlalelwa kuyo ozakube uphakathi kweBafana ne-Angola.

Iqela lilonke lime ngolu hlobo:

Oonozinti: Itumeleng Khune, Darren Keet, Shauib Walters.

Emva: Ramahlwe Mphahlele, Rivaldo Coetzee,Thulani Hlatshwayo, Eric Mathoho, Lorenzo Gordinho, Diamond Thopola, Tebogo Langerman.

Esiswini: HlomphoKekana,Thabo Mnyamane, Keagan,Andile Jali, Kamohelo Mokotjo, Tiyani Mabunda, Dean Furman, Themba Zwane, Thulani Serero.

Iifolosi: Percy Tau,Lebo Manyama, Phakamani Mahlambi, Lars Weldwijk,Kermit Erasmus,Luther Singh.