IPalamente iqinisekise ukuba indlu eseGoli kaSomlomo wePalamente uNosiviwe Mapisa-Nqakula iye yagqogqwa liGunyabantu lezoTshutshiso (NPA) kusasa ngoLwesibini.
Kuqinisekisiwe ukuba olu gqogqo lunxulumene nezityholo zorhwaphilizo ezibhalwe kumaphephandaba kutshanje.
UMapisa-Nqakula utyholwa ngokuxhamla kwiithenda ezingaphaya kwezigidi ezibini zeerandi (R2-million) ngethuba enguMphathiswa wezoKhuselo.
Kwingxelo ekhutshwe ngoLwesibini, iPalamente ithe uSomlomo umile kwelo lokuba umsulwa.
IPalamente ithi izehlo zakusasa zikwangunobangela wokuba uMapisa-Nqakula angachopheli iseshoni yemibuzo neempendulo kaMongameli eqhubeka kwiNdlu yoWiso-mthetho.
BUKELA – Usuku lwenkululeko: Izimvo zabantu