Xa kudibene iKaizer Chiefs ne-Orlando Pirates kusoloko kubakho ingxwerha. Ngelishwa lawo Amakhosi ngawo akhe phantsi isitya sigcwele kwimpelaveki ephelileyo. IChiefs ivuthululwe yiPirates ngo’3-1 kumdlalo we-Absa Premier Soccer League obubanjelwe eFNB Stadium ebigcweliswe ngabalandeli abasukela amashumi alithoba amawaka. Umlandeli weChiefs oye enethemba lempumelelo emdlalweni akakwazanga ukuzibamba iinyembezi emva kokubethwa kweqela lakhe kabuhlungu yiBucs ngoMgqibelo odlulileyo. Le ndoda ibhomboloze ebaleni kugcwele, ngoku ijikeleza kumakhasi onxibelelwano. ULuvuyo Memela ufake amagowuli amabini, elinye lafakwa nguThembinkosi Lorch – kanti eleChiefs lifakwe nguLeonardo Castro ngentloko.
https://inm-baobab-prod-eu-west-1.s3.amazonaws.com/public/inm/media/2018/03/05/no/870/28632344_2060085964008089_103413797351325696_n480.mp4
BUKELA – Usuku lwenkululeko: Izimvo zabantu