Iseliphupha impumelelo kwiSouthern Kings!

Ibesesezolo kumdlalo wamaqela aseMzantsi Afrika adlala kwiPRO 14 – iSouthern Kings neCheetahs. La maqela ebebambene ngobhongwana eToyota Stadium izolo. Ziphinde zaphuma ebaleni zithe qhushe imisila ngasemva iSouthern Kings emva kokuhlazwa kanobomi ziCheetahs. Le mpumelelo ithetha ukuthi zisayigcinile imbali yokungabethwa ziSouthern Kings iCheetahs eziphumelele ityeli lesithathu. La maqela alale amatyeli asithoba emgceni edibene, iCheetahs ziwe kathandathu amgceni, ze zona iKings zalala kathathu kuphela. UNico Lee, othe gqolo ngokuzityela itheko kwiKings, ulele kabini emgceni.

Nakule veki zifumene amanqaku angamashumi amane anesihlanu iCheetahs noxa kusenzima ukufumana amanqaku angamashumi amathathu iKings nezizifumanele amanqaku angamashumi amabini anesine. Impumelelo yamakhwenkwe kaRory Duncan iqinisekisa ukuba asazinzile kwindawo yesithathu kwiLog xeshikweni zisathe dimfi emsileni iiKings nezingekaphumeleli nomdlalo omnye kule midlalo ilishumi elinesithathu sele ziyidlalile. Ziqubisana ne-Ulster ngomhla wethoba kweyoMdumba iKings kumdlalo wazo landelayo e-Ireland, ze zigagane ne Cardiff Blues ngomhla weshumi iCheetahs kwilizwe lase Wales.

Cheetahs

15 Clayton Blommetjies 14 Craig Barry, 13 Nico Lee, 12 Neil Marais, 11 Makazole Mapimpi, 10 Fred Zeilinga, 9 Shaun Venter, 8 Uzair Cassiem, 7 Oupa Mahoje (captain), 6 Henco Venter , 5 Reniel Hugo, Justin Basson, 3 Aranos, 2 Jacques du Toit, 1 Ox Nche

16 Joseph Dwaba,17 Charles Marais, 18 Tom Botha , 19 Rynier Bernardo, 20 Junior Pokomela, 21 Zee Mkhabela,22 Clinton Swart, 23 AJ Coertzen

Kings

15 Ntabeni Dukisa, 14 Michael Makase, 13 Harlon Klaasen , 12 Luzuko Vulindlu, 11 Yew Penxe, 10 Martin du Toit, 9 Rowan Gouws, 8 Ruaan Lerm, 7 Martinus Burger, 6 Ansisa Ntsila, 5 Bobby de Wee, 4 Stephan Greef, 3 Pieter Scholtz, 2 Michael Willemse (captain), 1 Schalk Ferreira

16.Tango Balekile,17 Johan Smith, 18 Dayan van der Westhuizen, 19 Lindokuhle Welemu, 20 Eital Bredenkamp,21 Rudi van Rooyen, 22 Benhard Janse van Rensburg, 23 Berton Klaasen