Aswantsulisana kwiTelkom amaqela asibhozo ngempelaveki

Azakuswantsulisana
etshatshalazeni amaqela asibhozo kule mpela veki kwimdlalo yeTelkom Knockout. Iintshatheli
zonyaka ophelileyo, iCape
Town City,
zikhutshwe kwakusasa yiBaroka FC kwiveki ephelileyo. NgoMgqibelo iPlatinum
Stars izakujongana neBloemfontein Celtic kumdlalo ozakunika umdlalo eRoyal
Bafokeng Stadium ngecala emva kwentsimbi yesithathu emalanga. Iintshatsheli
zePSL kwisizini ka-2016/17, iBidvest Wits, zizakujongana xa idibana neBaroka FC
ehamba phambili kwiPSL kumdlalo ozakube useBidvest Stadium ngentsimbi yesibhozo
ebusuku ngoMgqibelo.

KwangoMgqibelo
njalo, i-Orlando Pirates, engonjwe yiMamelodi Sundowns ngo’3-1 kumdlalo wePSL, iqubisana
nePolokwane City kwesikaMaminzela isigodi e-Orlando Stadium ngentsimbi
yesibhozo ebusuku. Owona mdlalo ojongwe ngamehlo abomvu ngabalandeli
bebhola eMpuma Koloni, uphakathi kweChippa United neKaizer Chiefs, eNelson
Mandela Bay Stadium, ngecala emva kwentsimbi yesithathu emalanga. IiChilli Boys
zinqunqele egoqweni iMamelodi Sundowns ngo’1-0 kumdlalo obuseSisa Dukashe
Stadium kwiveki ephelileyo. Amakhosi aphumelelele le ndebe izihlandlo
ezilishumi elinesithathu, sekuphele iisizini ezimbini kungangeni nto eNaturena phantsi
komqeqeshi uSteve Mbuyiselo Khompela nothe wagxekwa ngabalandeli.