Abalandeli beChippa United bashiyeke bephoxekile emva kokubethwa kweqela labo yiBoroka FC.
Iqela laseMpuma Koloni livuthululwe ngo’3-1 kumdlalo wePSL obubanjelwe eNelson Mandela Bay Stadium ngoLwesibini.
Igowuli lokuqala leBaroka lifakwe ngumdlali weChippa, aze amabini afakwa nguGift Motupa ofikayo kwiqela laseLimpopo.
Ukubethelwa kowayo olu hlobo iChippa United kuyaxhalabisa ngoba eyona nto iyichanileyo kwisizini edlulileyo kukungakwazi ukuqokelela amanqaku kwimidlalo yayo yasekhaya.
Lo ngumdlalo wesibini ephulukene nawo iChippa – kanti yona iBaroka ibiphumelela okokuqala kule sizini.
Yona i-Orlando Pirates izuze amanqaku apheleleyo emva kokubetha ngo’1-0 i-Ajax Cape Town kumdlalo wePSL. Igowuli lempumelelo lifakwe nguBernard Morrison.
Ngoku iPirates iphumelele imidlalo emibini kwemithathu eyidlalileyo kule sizini.
AmaZulu abambene ngo’1-1 neMaritzburg United, yona iSuperSport united ivuthulule iPlatinum Stars eqeqeshwa nguRoger de Sa ngo’2-0.
Iqela laseBlomfontein Celtic ifumene impumelelo yokuqala nayo ngokubetha iPolokwane City ngo’2-1.
USteve Barker umchaze njengeqhawe uRayners ongcwabe iPolokwane City