Ngale ntsasa iqela laKwaZulu Natal, iMaritzburg United, ibhengeze uSiyanda Xulu, njengomdlali walo ngokusesikweni. UXulu uzakuhlala ixesha elide kwiTeam of Choice emva kokutyikitya isivumelwano sengqesho seminyaka emithathu.
Lo mdlali, 25, uchithwe yiKaizer Chiefs emva kokuhlala kuyo iminyaka emibini yonke engadlalanga nto ibhekelephi. Wazibandakanya neChiefs emva kokudlalela iFC Rostov yaseRussia eyayimthathe kwiMamelodi Sundowns. UXulu uya kwiMaritzburg United enethemba lokuvuselela ikhona lakhe lokudlala ibhola ekhatywayo kwisizini entsha emva kweesizini ezimbini engasadlali kakuhle.
IMaritzburg ikwabhengeze nabanye abadlali abanjengoRushine De reuck, Motsie Matima, Mxolisi Kunene, Liam Youlley, Richard Ofori noJethren Barr. Eli qela laseMgungundlovu lizakungquzulana neMamelodi Sundowns kumdlalo weMTN 8 ngeCawe weveki ezayo ngo’15:00 eLucas Moripe Stadium.
BUKELA – Usuku lwenkululeko: Izimvo zabantu