Iqela lebhola ekhatywayo elidlala kwiABC Motsepe League iEC Bees isondele ekubeni iphinde ibeyinxalenye yamaqela angamashumi amathathu anesibini azakukhuphisana kwiNedbank Cup kunyaka ozayo.
IBees nehleli kwindawo yesithathu kwiligi izakuqubisana neqela elizakuphumelela kwiSAB League. Lo mdlalo izakuba nguwo ozakohlula amadoda emakhwenkweni xa la maqela equbisana. Iqela eliphumeleleyo lizakuba yinxalenye yamaqela ayi-32 abazakulwela indebe yeNedbank.
IBees ijike kumlenze wokuqala kolu khuphiswano kwinyanga yoKwindla kulo nyaka emva kokubethwa liqela laseLimpopo iMagesi FC, kumdlalo owawubanjelwe eABSA Stadium, eMonti.
Amagqibela kankqoyi emidlalo yokuzibekela indawo kwiNedbank Cup yonyaka ozayo kumaqela eMotsepe League adlalelwe kumabala aseKomani kwimpelaveki edlulileyo.
Iziphumo:
Tornado 1 – 0 Lion City
EC Bees 2 – 1 Matatiele Professionals
Umdlalo wokugqibela:
Tornado 3 (8) – 3 (9) EC
-Zenande Maqubela
BUKELA – Usuku lwenkululeko: Izimvo zabantu