Yindaba yakwamkhozi ingxabano kaTinkler noMayambela!

By
Pedro Mapelo
-
Mark Mayambela of Chippa United is challenged by Xola Mlambo of Orlando Pirates during the Telkom Knockout Last 16 Orlando Pirates and Chip United on the 20 October 2018 at Orlando Stadium, Johannesburg / Pic Sydney Mahlangu/BackpagePix

Akafunanga kuthetha
u-Eric Tinkler ngokuziphatha kakubi kukaMark Mayambela emdlalweni wanamhlanje.
IChippa United ibethwe ngo’1-0 yi-Orlando Pirates kumdlalo weTelkom Knockout
obunomtsalane e-Orlando Stadium. Igowuli lempumelelo leBucs lifakwe nguVincent
Pule. Kwimizuzu emithathu phambi kokuphela kwesiqingatha sokuqala, uTinkler
umkhuphile emdlalweni uMayambela emva kokuba kubonakele kumabonakude
betshintshiselanga ngamazwi. UMayambela ubonakele kwiSuperSport TV ehesha
umqeqeshi wakhe.

Nakubeni kunjalo,
uTinkler akafunanga kuthetha ngalo mba emva komdlalo. “Andifuni kuphawula ngalo
mba; yinto yangaphakathi eqeleni,” Ngokucacileyo uTinkler ebezama ukunika
ithuba iqela ukuze likwazi ukuthetha ngayo kuqala. Ngomdlalo, uTinkler uthe
wonelisekile yindlela iqela lakhe elidlale ngayo kwisiqingatha sesibini. “Asidlalanga
kakuhle kwisigaba sokuqala ngoba besiphisa ngayo ibhola. Kwisigaba sesibini
sidlale kakuhle emva kokwenza iinguqu – kodwa abadlali bethu bebesonqena
ukukhaba bekude. Kodwa into endinokuyithetha kukuba sidlale ngcono kakhulu
kwisigaba sesibini somdlalo,” utshilo uTinkler kwiSuperSport TV emva komdlalo.

RELATED ARTICLESMORE FROM AUTHOR