Abuyele
encochoyini Amakhosi namhlanje emva kokuba ebethe AmaZulu ngamagowuli amabini
eqandeni (2-0) emdlalweni we-Absa Premiership odlalelwe eKing Zwelithini
emalanga. Enye yezinto ezithe zaqapheleka emdlalweni kukudlaliswa kuka-Itumeleng
Khune okokuqala eneenyaka ezingaphaya kwesixhenxe engasayikhabi ibhola ngenxa
yokonzakala. UKhama Billiat neLeonardo Castro ngabona badlali abafake amagowuli
anencede iKaizer Chiefs ebiyeyona enamandla emdlalweni nangona ibidlalela kude
nekhaya layo. Bekufanele uLebogang Manyama uyibeke endaweni entle iChiefs
kwakwimizuzu yokuqala emdlalweni – kodwa akubanga njalo emva kokuba ephose
ithuba. Akukho nto ingako eyenziwe ngaMaZulu kwisigaba sokuqala – kodwa akhe
athembisa ngethuba u-Ovidy Karuru engquba ibhola ngentloko ecikwe nguKhune.
AmaZulu
azamile ukudlala umdlalo odibeneyo phantsi komqeqeshi wawo omtsha – uJozef Vukusic
– ongene endaweni kaCavin Johnson ogxothwe kwiveki ephelileyo ngenxa yeziphumo
ezingancumisiyo. Abadlali boSuthu kunoba bayakhala apho bakhoyo, kufanelekile,
emva kokuba usompempe nomncedisi wakhe bengawavumanga amagowuli wabo amabini
emdlalweni. Kwisigaba sesibini, Amakhosi avalele emnatheni amagowuli amabini
aqinisekise okokuba abuyela phezulu kwiPSL. AmaZulu asesemsileni kwiPSL kwaye
lelinye lamaqela angekaphumeleli namnye umdlalo ukusukela oko iqalile isizini
kwinyanga ephelileyo. Kulindeleke AmaZulu azame ukuphumelela umdlalo okokuqala
xa endwendwela iSuperSport United ezikhotha amanxeba emva kokubethwa
AmaZulu: Mbatha, Sikhakhane, M.Gumede, Xoki, T.Gumede, Darpoh, Sithebe, Morton,
Maduna, Karuru, Ntuli.
Amalalela: Boshoff, Khumalo, Magaqa, Vilakazi, Ncube, Ncobeni, Chawapihwa.
Chiefs: Khune, Sasman, Mathoho, Cardoso, Frosler,
Maluleka, Manyama, Parker, Baccus, Billiat, Nurković
Amalalela: Akpeyi, Katsande, Ngezana, Castro, Zuma, Ntiya-Ntiya,
Kambole.
USteve Barker umchaze njengeqhawe uRayners ongcwabe iPolokwane City