Akumothusanga kwaphela okwenziwe liqela lakhe uPitso Mosimane.
IMamelodi Sundowns ibethele oogqirha nezicaka iCote d’Or ngemvula yamagowuli alishumi elinanye kwelinye qha (11-1) emdlalweni weCaf Champions League obubanjelwe eLucas Moripe Stadium kwiveki ephelileyo.
Emdlalweni wokuqala eSeychelles, iSundowns yaphumelela ngamagowuli amahlanu eqandeni (5-0).
“Khange kundothuse okwenzekileyo emdlalweni ngoba ndabona sisadlala umdlalo wokuqala okokuba besinawo amathuba okufaka amagowuli kwangoko emdlalweni. Sakugxininisa ebadlalini bethu ukwenze umsebenzi njengendlela yethu eqhelekileyo. Zenzeke ngendlela ebesifuna ngayo izinto ezininzi,” utshilo uPitso.
ISundowns izama ukubuyisela ubunganga bayo kwibhola yezwekazi le-Afrika emva kokukhutshwa kwizigaba sokugqibela kwiChampions League kwityeli eligqithileyo.
Iphele njalo indlela yeSundowns kwiCAF Champions League!