INkulubaphathiswa uOscar Mabuyane udlulise amazwi ovelwano emva kokubhubha kweKumkanikazi yamaXhosa, uNozamile Sigcawu.
UKumkanikazi Nozamile ubhubhe ngokuhlwa kwangeCawe esendleleni eya kwisibhedlele saseMonti.
Le Kumkanikazi ingumama weKumkani yamaXhosa engasekhoyo, uMpendulo Zwelonke Sigcawu. UKumkanikazi Nozamile ebengumfazi kaKumkani Xolilizwe Sigcawu, kwiQadi leNdlu eNkulu. UKumkani Xolilizwe ngutata kaKumkani Mpendulo Zwelonke Sigcawu.
Isithethi sikaMabuyane, uMvusiwekhaya Sicwetsha, uthi uKumkanikazi Nozamile ebengumama onothando kwisizwe samaXhosa. “Urhulumente wephondo uza kusebenzisana nosapho laKomkhulu kwakunye norhulumente kazwelonke ukulungiselela umngcwabo weKumkanikazi yamaXhosa,” utshilo uSicwetsha.
URulani uzityanda igila ngeDowns emva kokukhutshwa kwiChampions League