Amakhosi onwabile kobu busuku banamhlanje emva kokuba ebhulele amasaka iMaritzburg United ngamagowuli amathathu eqandeni (3-0) emdlalweni weDStv Premiership obubanjelwe eFNB Stadium. Iqela laseSoweto liye emdlalweni linomsindo emva kokuba libethwe yiRoyal AM ngo’1-0 emdlalweni elidlale kakuhle kuwo eChatsworths Stadium ngempelaveki egqithileyo. Yona iTeam of Choice iye emdlalweni wanamhlanje izithembile emva kokubambana neSekhukhune United ngo’1-1 emdlalweni wokuqala wesizini entsha. Asukelene sizuka amaqela omabini kwisigaba sokuqala somdlalo. Ibhakuzelise umnatha iKaizer Chiefs ngegowuli elifakwe ngu-Ashley Du Preez emzuzwini wesine.
Emva kwemizuzu embalwa, uKeagan Dolly ufake igowuli lesibini leChiefs emva kwempazamo eyenziwe ngabadlali beMaritzburg United endaweni embi. Ngaphandle kwamagowuli ebihamba phambili ngawo iChiefs, umdlalo ubumhle futhi omabini amaqela ebezimisele. Abuyile amaqela ekhefini abonisa ukunxanelwa impumelelo ngendlela efanayo naleya ayibonise kwisigaba sokuqala. Kuye kwabonakala ukuba uJohn Maduka uthethile nabadlali bakhe. Indlela abadlale ngayo ibiphucukile futhi bebehlasela kakuhle. Eyona nto ephoxe iMaritzburg United ibe kukungakwazi ukufumana amagowuli emva kokudala amathuba amahle.
Nokuvumela iChiefs ifake amagowuli amabini kuyisokolisile kakhulu emdlalweni. Ibingeke iChiefs ephantsi koxinizelelo lwabalandeli ivume ukubethwa ikhokela ngamagowuli amabini. Omabini amaqela enze iinguqu ezibonakalayo – kodwa ke iTeam of Choice ayincedekanga. Kwicala leChiefs ube khona umahluko omkhulu emva kokukhutshwa kwamadoda afana noYusuf Maart noDolly. Umdlali weChiefs osakhulayo, uMduduzi Tshabalala, ungene wabethelela isikhonkwane sokugqibela. Igowuli alifake ngebhola entle ayinikelwe nguKhama Billiat uzazise ngalo kubalandeli beChiefs ekudala befuna ukumbona edlalela iqela elikhulu.
Kaizer Chiefs: Bvuma, Solomons, Ngezana, Kwinika, Frosler, Matlou, Sithebe, Maart, Du Preez, Dolly, Billiat.
Amalalela: Petersen, Nj. Ngcobo, Blom, Mashiane, Alexander, Radebe, Nk. Ngcobo, Sekgota, Shabalala
Maritzburg United: Ndlovu, Makume, Ndengane, Mashikinya, Sam, Theron, Human, Ritchie, Soukouna, Samu, Macheke.
Amalalela: Leaner, Monomodi, Skelem, Kiekie Kimvuidi, Hlongwa, Moloisane, Conco, Baloyi, Palace.
BUKELA – Usuku lwenkululeko: Izimvo zabantu