UBabalwa Latsha uza kukhokela iSpeingbok Women ngomso

Ngenxa yokonzaka okuthe mbende iqela lesizwe lomboxo lamanenekazi, umqeqeshi ugqibe kwelokuba enze inguqu kwisikhokelo seqela lakhe emdlalweni olandelayo. UBabalwa Latsha nguye uza kukhokela iSpringbok Women xa sidibana neSpain emdlalweno wovavanyo oza kuba ubanjelwe eFanie du Toit Stadium, ePotchefstroom, ngomso. IBhacakazi lingena endaweni kaNolusindiso Booi ofumene ukonzakala emdlalweni obuse-Ellis Park Stadium, eGoli, apho iSpringbok singombe khona ngo’44-5 iSpain ngempelaveki egqithileyo. Abadlali abafana noBooi, uChumisa Qawe no-Ayanda Malinga ngeke badlale emdlalweni olandelayo ngenxa yokonzakala. Iindawo zabo zithathwe ngu-Aphiwe Ngwevu, uLeratoo Makua noNomawethu Mabenge.

Aziphelelanga apho iinguqu ezenziwe nguStanley Raubenheimer kwiqela lakhe. Emdlalweni obuseGoli, wenze eziliqela ngoba uzama ukwakha iqela elomeleleyo njengokuba lisiya kwitumente yehlabathi eseNew Zealand kwinyanga ezayo. “Ngaphandle kweenguqu ezinyanzelwe kukonzakala kwabadlalu, zona bezilindelekile emdlalweni wovavanyo wokugqibela phambi kokuya kwitumente yehlabathi eseNew Zealand,” utshilo uRaubenheimer. “Enyanisweni, abadlali ngeke badlale ngokulinganayo emidlalweni yovavanyo naxa sikwitumente yehlabathi – kodwa kufuneka siqinisekile ukuba bakulungele ukudlala ngamaxesha onke.

Okwenzeke emdlalweni obuseGoli kusonwabise kakhulu – kodwa ke ngoku sijongene nomnye umdlalo ophambi kwethu. Omnye umdlali obekhe wonzakala, uZenay Jordaan, ufumene ithuba lokudlala kwakhona emdlalweni obuphakathi kweSpringbok Women neSpain. “Kube kuhle ukudlalela iqela lesizwe kwakhona. Andivanga nto ebuhlungu ndade ndaphuma emdlalweni. Kumnandi ukudlalela iSpringbok Women kwakhona kwaye ndibulela ithuba ngalinye endilifumanayo. Iveki ephelileyo ibinkulu kakhulu kuthi. Emva kokuba iqela lethu libethe iJapan, zininzi izinto ezenzekileyo ezintle. Sibone sifumana uFNB ongumxhasi weSpringbok Women phambi kokubetha Spain. Kubalulekile ukuqinisa ukuzithemba kuthi,” utshilo uJordaan.

Amagama wabadlali beSpringbok Women abaya ePotchefstroom:

15. Nadine Roos

14. Nomawethu Mabenge

13. Zintle Mpupha

12. Aphiwe Ngwevu

11. Simamkele Namba

10. Zenay Jordaan

9. Unam Tose

8. Aseza Hele

7. Sinazo Mcatshulwa

6. Lusanda Dumke

5. Catha Jacobs

4. Lerato Makua

3. Babalwa Latsha

2. Roseline Botes

1. Yonela Ngxingolo

Amalalela:

16. Lindelwa Gwala

17. Sanelisiwe Charlie

18. Azisa Mkiva

19. Nompumelelo Mathe

20. Sizophila Solontsi

21. Rumandi Potgieter

22. Libbie Janse van Rensburg

23. Chuma Qawe