Khange bakwazi
ukuzibamba iinyembezi abadlali bePeru emva kokubethwa yiFrance ngorhatya
lwanamhlanje. Igowuli elifakwe nguKylian Mbappe linike iFrance impumelelo ebalulekileyo
ka’1-0 kumdlalo wesibini weFIFA World Cup obubanjelwe kwibala i-Ekaterinburg
Arena. UMbappe uzenzele imbali namhlanje ngokuba ngoyena mdlali omncinane ofake
igowuli kwimbali yeFrance (kwindebe yehlabathi) eliyithathe layibeka kumjikelo
olandelayo nangona kusekho umdlalo olandelayo.
Ukukhala kwabadlali
basePeru kuyevakala. Ukuphulukana kwabo nomdlalo wanamhlanje kuthetha ukuthi
baphumile kwindebe yehlabathi nangoba kulindeleke badlale ne-Australia. Nakubeni
iPeru ililizwe eligqebele kudala ukuthatha inxaxheba kwimidlalo yehlabathi
kwibhola ekhatywayo – kodwa indlela abadlali beyo abadlale ngayo iyancomeka.
Iphumelele iFrance emdlalweni wanamhlanje ngoba ilisebenzisile ithuba
elifumeneyo kwaye nomdlalo wayo ubuphucukile namhlanje. Umqeqeshi waye uDidier
Deschamps uqale umdlalo namhlanje ngoBlaise Matuidi no-Olivier Gioud – nangoku ubekhona
umahluko.
Umdlalo wePeru
ubumhle kuzo zozibini iziqingatha zomdlalo. Abadlali banikelene kakuhle
ngebhola, esiswini bakwazile ukumgada uPogba angabenzakalisi – kodwa abakwazanga
ukuwasebenzisa amathuba abawafumeneyo emdalweni. Lo nto ibachanile ngoba yeyona
nto ibalulekileyo kwindebe yehlathi – ukufaka amagowuli emnatheni. IFrance idlulela
phambili emva kokuphumelela yomibini imidlalo yayo kwindebe yehlabathi. Komnye umdlalo,
iDenmark idlale ntangannye ngo’1-1 ne-Australia ebethwe yiFrance ngo’2-1
kumdlalo wayo wokuqala. IDenmark yayibetha ngo’1-0 iPeru – ngoku inamanqaku
amane emva kweFrance.
Iphele njalo indlela yeSundowns kwiCAF Champions League!