Nangona ingekacaci
indlela eza kulandelwa njengokuba isizini ingekasongwa, ezintsha iindaba zithi
iSuperSport United iza kukhulula abadlali ababini abaziwayo. Abadlali esekucacile
okokuba bayahamba nguThabo Mnyamane noThabo Qalinge. UMatthews uthi iqela lakhe
ligqibe kwelokuba lingazivuseleli izivumelwano zabadlali bobabini eziphelelwa
kwinyanga yeSilimela ka-2020. Bobabini aba badlali ngamadoda anesiphiwo
esingummangaliso sokudlala ibhola ekhatywayo. Azibonakalisile kwiminyaka
edlulileyo – kodwa izinto aziwahambelanga kakuhle phantsi kukaKaitano Tembo
ongakhange awasebenzise. UManyama uneminyaka eliqela engumdlali exhathise ngaye
iSuperSport United kwade kwakho nento ethi ufunwa ngamaqela amakhulu – kodwa kwiminyaka
emibini egqithileyo, uye wakhathazwa kukonzakala. Lo nto iye yanciphisa
ukubonakala kwakhe ebaleni. Yena uQalinge khange akwazi ukufumana indawo yakhe
ukusukela oko efikile kunyaka ophelileyo esuka kwi-Orlando Pirates eyamchitha
ngenxa yokungadlali.
“Kukho
abadlali abaza kukhululwa ekupheleni kwesizini. Iqela belikufuna ukunika wonke
umntu ithuba ukuze likwazi ukukhetha xa kufika le nyanga,” utshilo uMatthews. Imidlalo
ye-Absa Premiership yanqunyanyiswa kwinyanga engaphaya kwephelileyo ngenxa
yokwanda kwabantu abanesifo sekhorona eMzantsi Afrika. Akukacaci okokuba
ingabuyiswa nini okwangoku. “Sekucacile okokuba ibhola ekhatywayo ngeke
siyibone kule nyanga nakwinyanga ezayo. Ngexesha eyakuqala ngayo, izivumelwano
zabadlali abathile ziya kube ziphelelwe lixesha. Kuye kwanyanzeleka ndenze
isigqibo,” utshilo uMatthews. Omnye wabadlali oza kuhamba kwiqela lasePitoli
ngumdlali wasesiswini – uDean Furman. Yena ubuyela eNgilane – apho waqala khona
ibhola phambi kokubuyela kwilizwe lakhe lokuzalwa, uMzantsi Afrika. Ngethuba
engekonzakali, uMnyamane ebengomnye wabadlali abafunwa kakhulu ngamaqela
amakhulu. UQalinge ugqibele ukudlala ibhola ebonakalayo ngethuba esadlalela iMpumalanga
Black Aces eyajikwa
Iphele njalo indlela yeSundowns kwiCAF Champions League!