Basinde ngolambisa aBafana Bafana emdlalwen weNelson Mandela Challenge

ABafana Bafana
basinde ngolambisa emdlalweni weNelson Mandela Challenge namhlanje ebusuku.
Igowuli elifakwe nguPercy Tau ngomzuzu wokugqibela kwixesha elongezelelweyo,
lilo elihlangule uMzantsi Afrika ehlazweni emdlalweni obambene kuwo neParaguay
ngo’1-1 eMoses Mabhida Stadium. Emva kokuba uMzantsi Afrika udlale ntanganye
ngo’1-1 neNigeria kumdlalo obuseFNB Stadium kwiveki ephelileyo – uStuart Baxter
wenze iinguqu eziliqela emdlalweni wanamhlanje. Phakathi kwabadlali abathe
bafumana inyhweba yokuqala umdlalo kubekho uVincent Pule, uRamahlwe Mphahlele,
uTeboho Mokwena no-Innocent Maela. Ngomzuzu weshumi elinesithandathu, iParaguay
inkqenkqeze phambili emdlalweni emva kwegowuli elifakwe nguFederico Santander.

Elona qela
ebelidlala into ecacileyo kwisigaba sokuqala ibe yiParaguay. Ukuba ibikwazile
ukusebenzisa amathuba – ngeyikwazile ukuwuphumelela umdlalo. Iimpazamo
zabadlali beBafana Bafana emva ziphantse zabonzakalisa emdlalweni weNelson
Mandela Challenge. UPercy Tau noLebo Mothiba ngabona badlali abazamileyo
ukuyisokolisa iParaguay – kodwa ukungakwazi ukusebenzisa amathuba, yeyona nto
ebeyingxaki emdlalweni. Unozinti weParaguay, u-Antony Silva, wenze umsebenzi
oncomekayo ngethuba evala iibhola ezinzima. Emva kwexesha uMzantsi Afrika
uzama, uTau ufake igowuli lokulinganisa emva kokunikelwa nguThulani Serero ngomzuzu
wokugqibela. Ukungabikho kweqela eliphumeleleyo kuthethe ukuthi indebe iza
kuhlala eMzantsi Afrika.

Bafana
Bafana: Keet (Williams 46),
Madisha (Mkhwanazi 46), Hlatshwayo, Maela, Mphahlele, Maboe, Mabunda (Makaring
46′), Mokoena, Pule, Mothiba (Ndlovu 46), Tau.

Amalalela: Williams,
Mkhwanazi, Makaringe, Hlanti, Zwane, Serero, Ndlovu, Lorch.

Paraguay: Silva, Valdez, Balbuena,
Alderete, Alonso, Ortiz, Rojas, Gonzalez, Dominiquez, Almiron, Santander.