IChippa imshenxisile uDuran Francis emva kokubethwa kwayo yiMaritzburg United

By
Pedro Mapelo
-
Chippa United Chairman Siviwe Mpengesi during the 2018 Nedbank Cup Final between Maritzburg United and Free State Stars at Cape Town Stadium on 19 May 2018 Ryan Wilkisky/BackpagePix

Iingxelo zamajelo
endaba zithi kulindeleke ukuba iChippa United ibhengeze igama lomqeqeshi omtsha
phambi kokuphela kwale veki. Oku kwenzeka emva kokuba abaphathi beChippa
begqibe kwelokuba bamshenxise esikhundleni uFrancis njengomqeqeshi obambeleyo.
Lo kaFrancis unikwe isikhundla yiChippa emva kokuba igxothe uClinton Larsen
kwisithuba seeveki ezimbini ezidlulileyo ngenxa yeziphumo ezingancumisiyo
eziquka ukubethwa yi-Orlando Pirates. Emdlalweni wokuqala phantsi kwesandla
sikaFrancis, iChippa United ibambene neBloemfontein Celtic ngeqanda macala
(0-0) eNelson Mandela Bay Stadium. Kwiveki ephelileyo, iChippa ibethwe
yiMaritzburg United ngegowuli elinye eqandeni (1-0). Emva kokubethwa kweChippa,
uFrancis uye wasuswa. Indawo yakhe ithathwe nguMbuyiselo Sambu okwalibambela kude
kubhengezwe igama lomqeqeshi omtsha. Ngomso iChippa United iza kube ikhangela
impumelelo yayo yokuqala kule isizini xa idibana neBidvest Wits emdlalweni
we-Absa Premiership oza kube useSisa Dukashe Stadium.

 

 

RELATED ARTICLESMORE FROM AUTHOR