Idabi lokulwela indawo kwiPremier Soccer League lisaqhuba nangona iqoshelisiwe isizini ka-2015/16.
IHighlands Park sele iqale kumgangatho ophezulu kule midlalo yokulwela indawo kwiPSL, ngokubetha iMbombela United ngamagowuli amathathu eqandeni.
Igowuli lokuqala lifakwe nguRudi Isaacs, ngelixa amabini efakwe nguMothobi Mvalo, la manqaku anele ukunceda iHighlands Park iphumelele.
Impumelelo yeHighlands ithetha ukuba eli qela lihleli kwindawo yokuqala kuhluhlu la maqela adlala le midlalo, aquka neUniversity of Pretoria. IHighlands Park iphoswe lithuba lokuya kwiPSL, emva kokusilela ngamanqaku xa ithelekiswa neentshatsheli zeNFD, iBaroka FC.
AmaTuks wona agqibe isizini yePSL ekwindawo yeshumi elinesihlanu, nento ethe yanyanzelisa ukuba eli qela liqeqeshwa nguShaun Bartlett nalo lidlale le midlalo. IMbombela ngoku izakujamelana neTuks ngeCawa emva kwemini.
Iphele njalo indlela yeSundowns kwiCAF Champions League!