UKhune noLarsen bathiwe jize ngamawonga yiPSL

By
Zukiswa Tshaka
-
Clinton Larsen, Head Coach of Golden Arrows during PSL Press Conference Coach and Player of the month for December at PSL Offices in Parktown on the 6 February 2017©Aubrey Kgakatsi/Backpagepix

Unozinti weKaizer Chiefs
okwanguye nokapteni, u-Itumeleng Khune, uphumelele iwonga lomdlali oqaqambile
kwinyanga yeThupha neyoMsintsi ngokulandelelana. Naye uClinton Larsen, oqeqesha
iGolden Arrows ehleli phezulu kwiPSL, uphumelele iwonga lomqeqeshi othe
waqaqamba kwiinyanga ezimbini. UKhune
uphumelele eli wonga emva kokudlala kakuhle imidlalo emithathu ilandelana athe
wachongwa njengomdlali oqaqambileyo waphinda wanceda iChiefs kwimidlalo
eyiphumeleleyo. 

Umqeqshi waBafana Besthende
uphumelele imidlalo emithathu ilandelana wadlala ntanganye kwemibini. Kuyo lo
midlalo wakwazi ukubhaxabula iintshatsheli zeligi iBidvest Wits,Amazulu
kumdlalo wobukhaya kwakunye nePlatinum Stars. Iqela lakhe lenza kakuhle
kwakhulu kungoku lilele kwindawo yesibini  kwiligi kuzothi ga ngoku.

Ingxelo ekhutshwe yiPremier
Soccer League ifundeka olu hlobo: “Unozinti weKaizer Chiefs, u-Itumeleng Khune
kwakunye noClinton Larsen, bachongwele ukufumana amawonga njengomdlali nomqeqeshi
benyanga yeThupha neyoMsintsi kwisizini yePSL ka-2017/18.”

RELATED ARTICLESMORE FROM AUTHOR