IChippa United isuse iSuperSport United kwindawo yesixhenxe kwiPremier Soccer League, emva kokubetha iPlatinum Stars ngamagowuli amane kwelinye.
Umdlali ongene kwisiqingatha sesibini uLerato Manzini, ufake amagowuli amathathu eze nempumelelo yeChippa United.
Ifolosi yeChippa, * -Andile Mbenyane ufake igowuli lokuqala kulo mdlalo ubudlalelwa eBhayi ngokuhlwa izolo.
Lo mdlalo ubutsale iqela labalandeli beChippa United, kwaye oko bebekhuthaza ngengoma. Kwisiqingatha sesibini iChippa ifake igowuli phantsi kwemizuzu emithathu, ngenqina likaLerato Manzini ongene kwisiqingatha sesibini. Ifolosi yeDikwena uNdumiso Mabena ufake igowuli lokubika leStars. IChippa khange iphumelele kwimidlalo yayo emihlanu edlulileyo yePSL, kwaye le mpumelelo izakwehlisa ixhala lomqeqeshi uDan Malesela.
Iphele njalo indlela yeSundowns kwiCAF Champions League!