UZinnbauer uthi iphucukile indlela edlala ngayo iPirates

By
Pedro Mapelo
-
Thembinkosi Lorch of Orlando Pirates challenged by Lesenya Ramoraka of Highlands Park during the Absa Premiership match between Orlando Pirates and Highlands Park on 18 January 2020 at Orlando Stadium, Pic BackpagePix

Umqeqeshi we-Orlando
Pirates uthi iphucukile kakhulu indlela elidlala ngayo iqela lakhe. Ukuthethe oku
uJosef Zinnbauer emva kokuba iPirates ivuthulule iHighlands Park
ngamagowuli amathathu kwelinye (3-1) emdlalweni obuvutha bhe e-Orlando Stadium
ngokuhlwa kwayizolo. Amagowuli eziphumelele ngawo eZimnyama afakwe yifolosi
eyingozi uGabadinho Mhango, uThembinkosi Lorch noPaseka Mako. Kanti phakathi
evekini, iPirates yothuse umzi ngokubetha iMamelodi Sundowns ngegowuli elinye
eqandeni e-Orlando Stadium – into ebineminyaka emininzi ingasenzeki kwaphela. Ngoku
iPirates izinzile endaweni yesihlanu kwiPSL emva kokuqokelela amashumi
amathathu amanqaku emidlalweni elishumi elinesibhozo esele iyidlalile kule
sizini.

UZinnbauer uxelele iSuperSport TV okokuba imothusile naye indlela iqela
lakhe elikhawulezise ngayo ukwenza izinto izolo. “Ewe, umdlalo siwuqale kakuhle
kakhulu izolo. Indothusile lo nto. Umdlalo weqela uphucukile kwaye ndonwabe
gqithi njengokuba sikwazile ukuphumelela umdlalo wesibini,” utshilo uZinnbauer
emva komdlalo. Omnye wabadlali abanqabileyo ebaleni, uBongani Sam, unikwe
ithuba lokuqala umdlalo. “Udlale umdlalo omhle kakhulu uSam. Akululanga
ukufumana ithuba kwiPirates. Izinto azimhambeli kakuhle – kodwa ke lo,
isengumdlalo wakhe wokuqala,” uvale ngaloo mazwi umqeqeshi wePirates.

RELATED ARTICLESMORE FROM AUTHOR