Iqela lebhola ekhatywayo elidlala kwi-Absa Premier Soccer League, iBidvest Wits, libhengeze uXola Mlambo njengomdlali walo omtsha izolo.
UMlambo, othengwe kwiChippa United, utyikitye isivumelwano seminyaka emine yonke neWits.
Lo mdlali ngomnye wabadlali abafana noThamsanqa Sangweni, Joseph Molangoane noNkosinathi Mthiyane abathe baqaqamba kwisizini edlulileyo yePSL.
Umnikazi weChippa United, uSiviwe Mpengesi, uchatshulwe ngamajelo endaba esithi: “Ewe, simthengisile uMlambo. Umgodlo obekwe yiWits etafileni khange sikwazi ukungawamkeli – ubumhle kakhulu. Kodwa asiyiqwalaselanga lo nto kuphela – sikuqwalasele ukukhula kwakhe njengomdlali. Ngumdlali osebenze nathi kakuhle kakhulu – yiyo lo nto singakwazanga ukumvimba ithuba elinje.”
UMlambo ufike kwiiChilli-boys ekuqaleni kwalo nyaka esuka kwiCape Town All Stars eyayifudula iqeqeshwa nguDan Malesela kunyaka ophelileyo.
Okwangoku akukacaci nokuba umqeqeshi weChippa United uzakusivala na isithuba esishiywe ngulo mdlali.
Eli qela lizinze eBhayi lilungiselela umdlalo wokuqala wePSL kwisizini entsha ophakathi kwalo
Iphele njalo indlela yeSundowns kwiCAF Champions League!