Oosompempe belizwe loMzantsi Afrika kuvuyisenwe nabo ngumbutho olawula ibhola, iSAFA, emva kokuchongwa kwabo njengabanye [babo] bazakuthi balawule imidlalo kwi-2017 African Cup of Nations. Le tumente kulindeleke iqale phakathi kwinyanga yokuqala kunyaka ozayo.
UDaniel Bennett noZakhele Siwela bazakuntingela kwilizwe laseGabon kunyaka ozayo, lo nto imvuyise kakhulu u-Anastasia Tsichlas.
La madoda ngamanye phakathi kwamaninzi enza umsebenzi omhle kwi-Absa Premier Soccer League.
“Sililizwe elizingcayo kwicala lokuvelisa oosompempe abakumgangatho wehlabathi – ukuchonga kwaba sompempe babini kuqinisekisa kanye lo nto. Inkqubo yethu yophuhliso (Vision 2022) ayisoze igqibelele ngaphandle kokuvelisa abantu abafana noBennett noSiwela. Nangona apha ekhaya begxekwa osompempe bethu – kodwa ukusetyenziswa kwabo yiCAF neFIFA kuthetha ukuthi senza kakuhle,” utshilo uTsichlas kwikhasi lomnatha leSAFA.
UMzantsi Afrika uyakuxoliswa bubukho bala madoda mabini njengoku iBafana Bafana izakuphoswa yile tumente.
‘MayingabingooNopopi ooCeba, mabasebenze ekuhlaleni njengoko bonyulelwe oko’