Vumba lomzondo, nyam’enyikinyiki
Edliwa ngabangenampumlo
Mgwebi ogweba engabuzanga waqondisisa
Mgwebi ogweba ngevolo-volo aqengq’ugodo
Rhamncw’elimdaka,nyok’enobuhlungu de yaluma neentsana.
Uyichithil’imizi yamanene namanenekazi
Ubuchithil’ubuhlobo wadiliz’amabandla, nemibutho
Uwusezil’umhlaba ngegazi neenyembezi
Umsindo likrele elithyutyh’imiphefumlo de lenzakalisa nomninilo.
Oqutyulwe nguwo uphulukana nobuthongo,abe nenginyisa engatyi
Umsindo udlavula neentsana zijwede zisaduse
YiLeviyathi yobumnyama ekhwelwa ngu Sathana aqubule neengcungcu
Ngumgcantsi wovuyo,lizenjana eliwis’imithi enamagama,amabhotwe, nookrwecizulu
Madl’izibilini kuvuth’amalangatye
Mchaswa ochaswa lizulu ngob’uludimoni
Ulingcwaba eligcina abantu bephila
Sivuthe-vuthe somchasi buThixo
Meta AI, wamkelekile kwikhaya lethu lesiXhosa!