KULINDELEKE ukuba bavele phambi kwenkundla yamatyala eBhayi abarhanelwa abathathu namhlanje. Aba barhanelwa bajongene netyala lokuqhekeza umzi.
Isithethi samapolisa aseBhayi uKhenel Priscilla Naidu uthi, esi sithathu saqhekeza umzi oseNewton Park kwinyanga yeKhala kwakunye neyoMsintsi kulo nyaka. Ukwathe umnini mzi owaqhekezelwayo uhlala kumazwe aphesheya kolwandle, ubhaqe ukuba uqhekezelwe kwiveki ephelileyo emva kokuba ebuyile phesheya, wafika ngungekho nenye into ngaphakathi endlini kuquka neemoto zakhe ezintathu ebezishiyile. Iqikelelwa ku-R500 000 iimpahla ebiwe kulo mzi.
UNaidu uthi amapolisa esikhululo saseMount Road eBhayi, afumane ulwazi kumntu ongaziwayo kulweSine weveki ephelileyo, nelikhokelele ekubanjweni kowasetyhini onamshumi amabini ananye, kwakunye nendoda enamashumi amabini anesixhenxe eKamma Park. Umrhanelwa onamashumi amabini anesithoba ubanjwe eSidwell.
Ingxelo yamapolisa idize ukuba iimoto ezimbini zifunyenwe sezityhuthulwe, kwathengiswa iintsimbi zazo, eyesithathu imoto ayikabhaqwa.
Iphele njalo indlela yeSundowns kwiCAF Champions League!