IMoroka Swallows, isengxakini nangakumbi kwiNational First Division, oku kulandela emva kokuba ibethwe ngamagowuli amahlanu kwimbande yesikhova yiMilano United, eKapa, ngeCawa.
IMilano izicacisile iinjongo zayo usandula kuqala lo mdlalo. Emva nje kwemizuzu esithoba uqalile umdlalo, bebehamba phambili ngamanqaku amabini eqandeni. Amagowuli afakwe nguYusuf Jappie kunye noJunaid Sait.
UColdrin Coetzee nosele esuka kudlala kwiPlatinum Stars ufake igowuli lesithathu leMilano, kushiyeke imizuzu emihlanu kuyiwe ekhefini.
Kwisiqingatha sesibini, iMilano yangeze amanye amagowuli amabini, afakwe nguBrandon Theron kunye noLance Beyers.
KwangeCawa, ngelixa iMilano izibhuqela iSwallows, iVasco Da Gama nayo ibethwe kabuhlungu eThekwini ngamaZulu ngamagowuli amane, kwelinye. UMarc Van Heerden ufake igowuli lokuqala loSuthu ngomzuzu wamashumi amabini anesithathu. UPetrus Shitembi naye ufake elakhe xa kukekela isiqingatha sokuqala.
Kwisiqingatha sesibini, uShitembi uye wadlalwa kakubi ebhokisini, bafumana ipenalithi eye yafakwa lula nguSiyabonga Nomvete.
Iqela laseNtshona Koloni liye laziphendulela ngomzuzu wamashumi asibhozo, ngegowuli elifakwe nguMbulelo Wambi. UGoodman Dlamini ufake igowuli lokugqibela kuSuthu, kushiyeke imizuzu esixhenxe uphele umdlalo.
Kukhalinyelwa ukubiwa kwezandla zikaBiko engcwabeni lakhe!