Namhlanje Amakhosi abhengeze iqumrhu lakwaToyota njengeqabane elitsha kwicala lezothutho. “Sinovuyo lokwazisa uToyota njengeqabane lethu,” itshilo iKaizer Chiefs kwingxelo ekhutshwe ngembalelwano.

Esi sivumelelwano seChiefs noToyota sizakuthi siqingqithe iminyaka emithathu yonke. UToyota liqumrhu elivelisa iimoto zohlobo lezithuthi nezale mihla zodidi oluphezulu. Ngamashumi amabini onke eenqwelo mafutha azakuzifumana kulo mzi-mveliso weenqwelo mafutha. “Belingekho elinye iqabane esinokulikhetha ngaphandle kukaToyota. Siyakwamkela Toyota kwicandelo lebhola ekhatywayo,” utshilo uKaizer Motaung – usihlalo weKaizer Chiefs.

IToyota yinkampani yaseJapan ethandwa kakhulu eMzantsi Afrika. Ukungena kwayo ebholeni kunokwenzeka ifuna ukuqinisa igama layo kubalandeli bebhola ekhatywayo.

Kwiminyaka edlulileyo, Amakhosi ebefudula esebenzisana nequmrhu lakwaNissan.