Eziphuma eNaturena iindaba namhlanje zithi iKaizer Chiefs ityikitye umdlali omtsha. Igama lale ndedeba nguDumsane Zuma – obekade edlalela iBloemfontein Celtic kwisizini egqithileyo. UZuma utyikitye isivumelwano sengqesho seminyaka emithathu kwiChiefs. “Sinovuyo lokwazisa umdlali-siswini obekade edlalela iBloemfontein Celtic, uDumsani Zuma, ukuba ngumdlali wethu,” itshilo ingxelo ekutshwe yiChiefs kwikhasi layo lonxibelelwano uTwitter namhlanje.
Amakhosi asakhangela ifolosi ezakuncedisana noGustavo Paez okubonakala ngathi ngoyena ongawanceda kwicala lamagowuli kwisizini entsha. Kungokunje abaqeqeshi baphonononga ifolosi yase-Argentina egama linguJonathan Philippe enkampini. Kulindeleke kuthathwe isigqibo ngaye phambi kokuphela kwale veki. Amakhosi atyikitye abadlali abambalwa abaquka uBhongolwethu Jayiya obedlalela iCape Town City kwisizini ka-2016/17.
URonwen Williams ucelela inkxaso yabalandeli beChiefs nePirates!