IMamelodi Sundowns ivule umsantsa omkhulu phakathi kwayo namamnye amaqela emva kokunkula iBaroka FC ngo’2-0 emdlalweni weDStv Premiership obuseLoftus Stadium emalanga namhlanje. Ngoku iSundowns ibethwa ngumoya phezulu ngamanqaku amahlanu onke eshiya ngawo iSuperSport United ekwindawo yesibini.
Amasandawana aqale umdlalo kakuhle ngokudala amathuba kwimizuzu yokuqala. UMothobi Mvala noLyle Lakay bafumene amathuba angasebenzisekanga kakuhle. Kuye kwanyanzeleka uDenis Onyango asebenze ngethuba u-Ananias Gebhardt engquba ibhola ngentloko ebikhatywe nguGerald Phiri Jr. ABakgaga balifumene ithuba elihle kwisigaba sokuqala – kodwa ifolosi yawo, uJoslin Kamatuka, ayikwazanga ukulisebenzisa kakuhle.
Izinto zijike kwisigaba sesibini emva kokufakwa kukaKermit Erasmus – ongene endaweni kaMothobi Mvala – wadala ithuba ngebhola evalelwe emnatheni nguGaston Sirino. Izamile iBaroka ukubuyela emdlalweni – kodwa iSundowns ibikwazi ukuyimosha indlela edlala ngayo ngokuqhawula iibhola iye phambili. Ifolosi yaseNamibia, uPeter Shalulile, ibhakuzelise umnatha ngebhola eyidlalelwe nguKermit Erasmus noMkhulise.
Ekuzeni kuphela komdlalo, uRicardo Nascimento uchithe ngentloko ibhola kaMfanafuthi Shozi isiya ngqo emnatheni. Emva kweshumi elinesithandathu, iSundowns ayikabethwa nakanye oko kuqale isizini. Yona iBaroka isahleli kwindawo yeshumi. Komnye umdlalo wanamhlanje, AmaZulu abethe iKaizer Chiefs ngamagowuli amabini kwelinye emdlalweni obuseFNB Stadium.
Sundowns: Onyango, Lakay, Lebusa, Nascimento, Mvala, Coetzee, Sirino, Mkhulise, Zwane, Maboe, Shalulile.
Amalalela: Goss, Modiba, Morena, Kapinga, De Reuck, Domingo, Jali, Erasmus, Mkhuma
Baroka: Chipezeze; Mphahlele, Makume, Gebhardt, Jampies; Mosele, Kambala; Masiya, Phiri, Mgaga; Makgopa.
Amalalela: Masuluke, Seema, Shozi, Kgoetyane, Ntemane, Patjie, Kamatuka, Mogale, Monama.
Meta AI, wamkelekile kwikhaya lethu lesiXhosa!